Já ég var að koma frá Danmörku þar sem að ég kom við í Óðinsvéum og Kaupmannahöfn, bongoblíða og vor í lofti, fjandi góð afmælisferð þar á ferð. Fórum á fimmtudag og komum heim í gær, sunnudag. Ég þakka þeim sem sendu mér afmæliskveðju í sms á fimmtudaginn, þau skiluðu sér aldeilis í einum haug þegar ég kveikti á símtækinu við heimkomuna í gær. Ég nennti með engu móti að vera að svara þeim og því þakka ég hér með fyrir mig.

Senn líður að páskum. Stefnan er tekin á norðurferð, ef manni tekst að klára og skila af sér verkefnum, og ná að stoppa í 3-4 daga og þeysa svo til höfuðborgarinnar aftur og hella sér í próflestur því fyrsta próf mundi vera þann 13 apríl. Svo tekur við ný vinna með sumrinu, verð á verkfræðistofunni VGK-Hönnun hér í Reykjavík og lýst mér vel á það.

 

Helvítis þvottagrindin gafst upp um daginn og lagðist saman á gólfið og harðneytaði að rísa aftur á fætur. Ég sagði henni að hún væri fífl og hún fussaði einhverjum ósama út úr sér sem að ég skyldi hvorki upp né niður í, skömmu síðar lést hún........

jú þá er próftíðin byrjuð og veturkonungur mættur í höfuðborgina sem er vel!

Hér er ný myndasíða! http://www.flickr.com/photos/arngrimur

Já alltaf lærir maður nú eitthvað nýtt. Makalaust hvað búið er að snúa öllu við í okkar ástkæra móðurmáli, íslenskunni! Ef ég t.d. segi við einhvern eða um einhvern að hann sé feitur þá þýðir það ekki endilega að hann sé í þungavigtarflokki, nei nei, það getur einfaldlega þýtt það að mér þyki viðkomandi bara leiðinlegur!!!! Já, þetta segi ég satt!! Svona tala unglingarnir hér í höfuðborginni.

Dálítið skrýtið finnst mér að orðið feitur sé notað þarna í frekar neikvæðri merkingu  því eins og t.d. í dönsku ef maður segir, "det er meget fedt", er það eitthvað sem mannir þykir alveg hreint magnað og er því frekar jákvætt. Þetta held ég að hafi líka tíðkast í íslenskunni, feitt = geðveikt.

Svona er nú það, feitur = leiðinlegur!

Ég fór á Kárahnjúka um daginn, hætti mér ekki út í umræðu um þá núna en hér eru myndir. https://grimur.smugmug.com/gallery/1984837

Nú er orðið annsi stutt eftir af sumrinu, vika í skólann og ég þrykki suður á föstudaginn. Þar tekur við mér endalaus hamingja og er það vel!

Síðan ég ritaði hér síðast hef ég farið í eitt brúðkaup enn og var þar einnig etið og sötrað þar til yðrin ætluðu að flæða um öll gólf. Þar sá ég reyndar um ljósmyndun og var því sötrinu stillt í hóf.

Ég var að bæta við slatta af myndum úr hjólasportinu og er um að gera að kíkja á það, það held ég nú!!

http://grimur.smugmug.com/Motorsport

Eitthvað er það nú minna á þessari vesælu síðu en það er nú bara eðlilegt. Af mér er lítið að frétta, það helsta sem að maður aðhefst þessa dagana er vinna og mótorhjólaakstur. Í eitt brúðkaup skrapp ég reyndar í um daginn og var það mikið fjör en þar át maður á sig gat og drakk, var það vel!

Ég dag fékk ég afhenta íbúð og tók hann Árni við lyklunum fyrir mig og er íbúðinni lýst sem "glæsi höll" og hlakka ég mikið til að koma mér þar fyrir í ágúst.

Ég ákvað að setja inn myndir sem ég tók í vor og myndir frá Endúrókeppni sem haldin var 1.júlí, kíkið endilega hér.

http://grimur.smugmug.com/

Svo mæli ég eindregið með að þið kíkið á þennan link, þar er að finna myndir frá Dyngjufjallatúr okkar Skjaldar um daginn sem var annsi hreint magnaður þrátt fyrir afar vafasamt ástand "sumra" í upphafi ferðar!

http://www.pbase.com/skjoldur/2006_07_02

Ja nú eru tvær vikur síðan maður kláraði skólann og nú er ég staddur á Akureyri þar sem ég er að vinna og bý hjá Skjölla frænda mínum og frú þessa dagana. Það er annsi fínt þar sem ég var að kaupa mér mótorhjól og erum við frændur nú saman í þessu rugli! Fyrsta túrinn fórum við í dag inn í Fnjóskadal og gerðum við okkur nú litlar vonir um að geta keyrt mikið fyrir snjóþyngslum sem eru einmitt allsráðandi á norðurlandi þessa dagana en þegar í dalinn var komið var nú alls ekki svo mikill snjór og náðum við að keyra um 75 km og var það hreint annsi magnað!

Ég setti inn myndir frá herlegheitunum....

http://grimur.smugmug.com/gallery/1499349

Og inn fóru myndir.............

http://grimur.smugmug.com/gallery/1421400

http://grimur.smugmug.com/gallery/1421426

Anjĕ牢

Fór á annsi hreint góða tónleika á Nasa síðasta fimmtudagskvöld fyrir utan reykingapest og aðrar eiturgufur sem að sveimuðu um salinn. Þar var hin eiturmagnaða hljómsveit Mezzoforte að trylla lýðinn og það er nú ekki á hverjum degi hérna á Íslandi sem að maður sér aðra eins snillinga spila. Allir eru þeir nú góðir en sérstaklega vil ég nefna Jóhann á bassanum og Gulla á trommum, þetta eru menn á heimsmælikvarða.

Annars er það nú bara rólegt í skólanum, maður situr bara við tölvuna og teiknar og teiknar og vanalega endar það með ágætis teikningu á blaði, já já!!

Nú er mál að fara út í sólina og mynda og jafnvel þrífa bíl, það held ég nú!

Í dag hefði hann Ari Freyr vinur minn orðið 24 ára gamall ef örlögin hefðu ekki gripið í taumana!!

Jæja þá er maður sestur að skólanum því prófin eru að skella á, 3 próf fyrir páska og 1 eftir páska. Alveg vonlaust að hafa allan þennan snjó þarna fyrir norðan þegar maður þarf að vera að læra í páskafríinu, hver stendur eiginlega fyrir þessu?? Þvílíkt og annað eins............... Í vikunni birtist mynd frá mér í sjónvarpsþætti á Skjá einum, gaman af því!!!!!!

Þá er fjandi góð norðurferð að baki sem samanstóð af snjó, skíðum, snjóbrettum, hæki, ölkrúsum, heitum potti og mótorhjólum!!

Setti inn myndir frá helginni!!!

http://grimur.smugmug.com/gallery/1294514

Allt í einu er ég nú bara á leiðinni norður!! Já já, helvítið hann Kiddi búin að plata mig norður og stefnan tekin á Hliðarfjall alla helgina, þar er telemark festival og mikið húllumhæ........ Leggjum þrír af stað eldsnemma í fyrramálið þannig að við ættum að ná 3 dögum í fjallinu, ekki amalegt það!

Jæja, hvað skal segja!!? Lífið gengur sinn vanagang, skóli, borða, sofa. Er reyndar einn í kotinu þessa dagana því sambýlismennirnir eru í afslöppun á Kúbu, ja afslöppun, taka sjálfsagt hraustlega á því ef ég þekki þá rétt.

Nú eru ekki nema rétt tæpar þrjár vikur í lokapróf sem er annsi stutt, 3 próf fyrir páska og 1 eftir páska sem þýðir að páskafríið verður ekki mikið. Eiginlega bara ekki neitt!! Svo er maður bara í atvinnuleit hér í höfðuborginn fyrir sumarið og einhver hreyfing er nú á íbúðarmálum en það kemur nú allt í ljós síðar.

Á mánudaginn var fór ég á snjóbretti, já merkilegt nok, og það í Bljáfjöllum. Það bara mok snjóaði allt í einu í Bláfjöllum um helgina og á mánudaginn var svo bara logn, sól og púður. Þetta þykir mér alveg stórmerkilegt, á föstudaginni var ekki snjókorn á svæðinu en svo allt í einu bara kviss pang! Hér getiði séð myndir af herlegheitunum http://grimur.smugmug.com/gallery/1277278

Fínn dagur í dag hér í höfuðborginni. Sól og blíða og logn, gátum nú ekki hamið okkur hér í skólanum um hádegi þannig að við skelltum okkur í golf og slóum nokkur hundruð bolta. Það var annsi hressandi í veðurblíðunni og komum við annsi ferskir til baka í burðarþolsreikningana. Enn er veðrið gott og dauð langar mig út að mynda, verð þá sennilega að drífa mig því klukkan er orðin margt.

Á föstudaginn blótuðum við félagarnir þorrann, hið árlega þorrablot okkar var einmitt haldið heima hjá okkur og tókst með afburðum vel. Hákarl, brennivín og pungar að sjálfsögðu!! Í tilefni að þeirri samkunndu okkar set ég inn miklar gleði myndir af okkur félögunum og spússum!!! Njótið vel!!

1. skammtur af Kanadamyndum komin inn og sá næsti er væntanlegur......